曾幾何時我飛過一間電器舖，電視機入面個靚仔演員話：「不知道從甚麼時候開始，在甚麼東西上都有個日期。罐頭會過期，保鮮紙會過期。」原來所有嘢都唔會保質不變，就連我蜂Bee嘅生存空間都唔例外。

當日我喺地盤棚架之巔，身中殺蟲劇毒，傷痕累累嘅我已經等待迎接我生命嘅盡頭。但忽然有一陣輕煙，靜靜從我眼前飄過，睇嘢開始有啲模糊，唔通我已經到咗天堂？忽然之間有一把老如龍鐘嘅男人聲講：「走啦蜂Bee，帶你返屋企喇！」未聽完佢嘅說話，我就不知不覺沉沉睡去…

當我訓醒嘅時候，我已經喺一個暖笠笠嘅蜂箱裡面，同一班蜜蜂仔同蜂后一齊。呢個人就係蜂農廣叔同埋佢身後團隊—莊臣集團Save Local Bees。原來呢幾年間佢哋一直走均城市窿窿罅罅，拯救我哋一班又一班蜜蜂，帶我哋重回大自然，再由蜂農手上回購蜂蜜，保育蜜蜂同養蜂業。

亦都係Save Local Bees團隊，創造咗我嘅第二生命。而家我蜂Bee仲做埋KOL，推廣Save Local Bees嘅「救蜂」代替「滅蜂」使命之餘，亦讓人認識更多蜜蜂知識同故事。而家我蜂Bee得閒就出下instagram同facebook，分享我嘅日常，亦都希望大家可以撐我嘅蜂蜜同產品，支持我同蜜蜂，守護自然環境平衡。